موج دریا
تصدق حسین خالداے حسیں ساحل مگر سوتا ہے تو
تیرے حسن بے خبر پر میری بیداری نثار
میرے قطروں کی جبیں
مضطرب سجدوں کی دنیائے نیاز
آستاں ناز پر ذوق عبادت کا ہجوم
دیکھ لرزاں سانس
تیری دید کو آتی ہوں میں
گاتی ہوئی روتی ہوئی
اور تو
اضطرار فطرت سیماب کا رنگ ادا
تیری اس شان تغافل پر فدا
سوتا ہے تو
درد الفت کی اسیر
تیری ریتوں کو اگر میں بوسہ دوں
ہے یہی اک آرزو
ایک جنبش اک نگاہ
اک سرسراہٹ ایک آہ
اے میرے دل کی دیوتا
میرے آئینے سے مسحور جمال
تمتما اٹھتے ہیں تارے
غم سے ہو جاتے ہیں دم بھر کے لیے
منعکس ہے میرے دامن میں فروغ ماہتاب
خوشۂ پرویں کہ ہے شاداب خون آفتاب
پانیوں میں لہلہاتا ہے عجب انداز سے
حسن ایمن کی بہار
یاد ہے چشم کلیم
میرے دل کے دیوتا
سونے کو ہوں
ایک جنبش اک نگاہ
اک سرسراہٹ ایک آہ
اے میرے دل کے دیوتا
ai hasin sahil magar sota hai tu
tere husn-e-be khabar par meri bedari nisar
mere qatron ki jabin
muztarib sajdon ki duniya-e-niyaz
astan naz par zauq ibadat ka hujum
dekh larzan sans
teri did ko ati hun main
gati hui roti hui
aur to
iztirar-e-fitrat simab ka rang-e-ada
teri is shan-e-taghaful par fida
sota hai tu
dard ulfat ki asir
teri reton ko agar main bosa dun
hai yahi ik arzu
ek jumbish ik nigah
ik sarsarahat ek ah
ai mere dil ki dewta
mere aine se mashur jamal
tamtama uthte hain tare
gham se ho jate hain dam bhar ke liye
munakis hai mere daman mein farogh-e-mahtab
khosha-e-parwin ke hai shadab khun-e-aftab
paniyon mein lahlahata hai ajab andaz se
husn eman ki bahar
yad hai chashm-e-kalim
mere dil ke dewta
sone ko hun
ek jumbish ik nigah
ik sarsarahat ek ah
ai mere dil ke dewta