موت و حیات

ایک دھوکا ہے سمجھتے ہو جسے موت و حیات

غور سے دیکھو نہ جیتا ہے نہ مرتا کوئی

آہ کچھ کھیل نہیں عالم امکاں کا وجود

ذرہ ذرہ میں چمکتا ہے خود آرا کوئی

پردۂ عالم تکویں میں چھپا کر خود کو

انجمن بند ہوا ہے چمن آرا کوئی

آپ ہر رنگ میں کرتا ہے تماشا اپنا

یاں نہ گلشن ہے نہ دریا ہے نہ صحرا کوئی

موت وہ کھیل ہے جس میں نہیں چھینا جھپٹی

نہ خوشی سے مگر اس کھیل کو کھیلا کوئی

زندگی کھیل کے پردے کا وہ رخ ہے جس سے

جھانک کر اپنا تماشا ہے دکھاتا کوئی

ek dhoka hai samajhte ho jise maut-o-hayat

ghaur se dekho na jita hai na marta koi

ah kuchh khel nahin alam-e-imkan ka wajud

zarra zarra mein chamakta hai khud ara koi

parda-e-alam-e-takwin mein chhupa kar khud ko

anjuman band hua hai chaman ara koi

ap har rang mein karta hai tamasha apna

yan na gulshan hai na dariya hai na sahra koi

maut wo khel hai jis mein nahin chhina jhapti

na khushi se magar is khel ko khela koi

zindagi khel ke parde ka wo rukh hai jis se

jhank kar apna tamasha hai dikhata koi