مو ج دریا

مضطرب رکھتا ہے میرا دلِ بے تاب مجھے

عینِ ہستی ہے تڑپ صورتِ سیماب مجھے

موج ہے نام مرا، بحر ہے پایاب مجھے

ہو نہ زنجیر کبھی حلقۂ گِرداب مجھے

آب میں مثلِ ہوا جاتا ہے توسَن میرا

خارِ ماہی سے نہ اٹکا کبھی دامن میرا

میں اچھلتی ہوں کبھی جذبِ مہِ کامل سے

جوش میں سر کو پٹکتی ہوں کبھی ساحل سے

ہوں وہ رہرو کہ محبت ہے مجھے منزل سے

کیوں تڑپتی ہوں، یہ پُوچھے کوئی میرے دل سے

زحمتِ تنگیِ دریا سے گریزاں ہوں میں

وسعتِ بحر کی فُرقت میں پریشاں ہوں مَیں

muztarib rakhta hai mera dil-e-be tab mujhe

ain-e-hasti hai tarap surat-e-simab mujhe

mauj hai nam mira, bahr hai payab mujhe

ho na zanjir kabhi halqa-e-girdab mujhe

ab mein misl-e-hawa jata hai tosan mera

khar-e-mahi se na atka kabhi daman mera

main uchhalti hun kabhi jazb-e-mah-e-kamil se

josh mein sar ko patakti hun kabhi sahil se

hun wo rahrau ke mohabbat hai mujhe manzil se

kyun tarapti hun, ye puchhe koi mere dil se

zahmat-e-tangi-e-dariya se gurezan hun main

wusat-e-bahr ki furqat mein pareshan hun main