مژگاں وہ جھپکتا ہے اب تیر ہے اور میں ہوں

مژگاں وہ جھپکتا ہے اب تیر ہے اور میں ہوں

سر پاؤں سے چھدنے کی تصویر ہے اور میں ہوں

کہتا ہے وہ کل تیرے پرزے میں اڑاؤں گا

اب صبح کو قاتل کی شمشیر ہے اور میں ہوں

بے جرم و خطا جس کا خوں ہووے روا یارو

اس خوبیٔ قسمت کا نخچیر ہے اور میں ہوں

ہے قتل کی دھن اس کو اور میری نظر حق پر

تدبیر ہے اور وہ ہے تقدیر ہے اور میں ہوں

دل ٹوٹا نظیرؔ اب تو دو چار برس رو کر

اس قصر شکستہ کی تعمیر ہے اور میں ہوں

mizhgan wo jhapakta hai ab tir hai aur main hun

sar paon se chhidne ki taswir hai aur main hun

kahta hai wo kal tere purze mein uraunga

ab subh ko qatil ki shamshir hai aur main hun

be jurm-o-khata jis ka khun howe rawa yaro

is khubi-e-qismat ka nakhchir hai aur main hun

hai qatl ki dhun us ko aur meri nazar haq par

tadbir hai aur wo hai taqdir hai aur main hun

dil tuta nazir ab to do char baras ro kar

is qasr-e-shikasta ki taamir hai aur main hun