موٹر

کیسی پتے کی بات جُگندر نے کل کہی

موٹر ہے ذوالفقار علی خاں کا کیا خموش

ہنگامہ آفریں نہیں اس کا خرامِ ناز

مانندِ برق تیز، مثالِ ہوا خموش

میں نے کہا، نہیں ہے یہ موٹر پہ منحصر

ہے جادۂ حیات میں ہر تیزپا خموش

ہے پا شکستہ شیوۂ فریاد سے جرَس

نکہت کا کارواں ہے مثالِ صبا خموش

مِینا مدام شورشِ قُلقُل سے پا بَہ گل

لیکن مزاجِ جامِ خرام آشنا خموش

شاعر کے فکر کو پرِ پرواز خامشی

سرمایہ دارِ گرمیِ آواز خامشی!

kaisi patte ki bat jagandar ne kal kahi

motar hai zualfaqar ali khan ka kya khamosh

hangama afrin nahin us ka khiram-e-naz

manind-e-barq tez, misal-e-hawa khamosh

main ne kaha, nahin hai ye motar pe munhasir

hai jada-e-hayat mein har tezpa khamosh

hai pa shikasta shewa-e-fariyad se jaras

nikhat ka karwan hai misal-e-saba khamosh

mina mudam shorish-e-qulqul se pa ba gul

lekin mizaj-e-jam-e-khiram ashna khamosh

shayar ke fikr ko par-e-parwaz khamushi

sarmaya dar-e-garmi-e-awaz khamushi!