مرا دل دیکھو اب یا میرے دشمن کا جگر دیکھو

مرا دل دیکھو اب یا میرے دشمن کا جگر دیکھو

تمہارے بس میں آنکھیں ہیں جدھر جاؤ ادھر دیکھو

قیامت میں نہ میرے منہ سے پھر فریاد نکلے گی

اگر یہ کہہ دیا اس نے یہاں آؤ ادھر دیکھو

تمہارے نام پر مر مٹنے والا کون ہے میں ہوں

اگر سوچو اگر سمجھو اگر مانو اگر دیکھو

مرے دل کو چرا کر پھر چراؤ آنکھ کیا معنی

نگاہ قہر ہی سے تم مجھے دیکھو مگر دیکھو

جو کہتا ہوں فنا کے بعد سب کو چین ملتا ہے

تو وہ کہتے ہیں پھر اب دیر کیا تم بھی مر دیکھو

رقیبوں کو تم آنکھیں تو دکھاتے ہو سر محفل

کہیں ایسا نہ ہو بن جائے میری جان پر دیکھو

کسی کو دیکھ کر اے نوحؔ کیسی کچھ بنی دل پر

یہ کس کمبخت نے تم سے کہا تھا تم ادھر دیکھو

mira dil dekho ab ya mere dushman ka jigar dekho

tumhare bas mein ankhen hain jidhar jao idhar dekho

qayamat mein na mere munh se phir fariyad niklegi

agar ye kah diya us ne yahan ao idhar dekho

tumhare nam par mar mitne wala kaun hai main hun

agar socho agar samjho agar mano agar dekho

mire dil ko chura kar phir churao ankh kya maani

nigah-e-qahr hi se tum mujhe dekho magar dekho

jo kahta hun fana ke baad sab ko chain milta hai

to wo kahte hain phir ab der kya tum bhi mar dekho

raqibon ko tum ankhen to dikhate ho sar-e-mahfil

kahin aisa na ho ban jae meri jan par dekho

kisi ko dekh kar ai nuh kaisi kuchh bani dil par

ye kis kambakht ne tum se kaha tha tum idhar dekho