مرحبا سال فرخی آئیں

مرحبا سال فرخی آئیں

عید شوال و ماہ فرور دیں

شب و روز افتخار لیل و نہار

مہ و سال اشرف ہفتہ بعد نہیں

سو اس اکیس دن میں ہولی کی

مجلسیں جا بجا ہوئیں رنگیں

شہر گویا نمونۂ گلزار

باغ گویا نگارخانۂ چیں

تین تیوہار اور ایسے خوب

جمع ہرگز ہوے نہ ہونگے کہیں

پھر ہوئی ہے اسی مہینے میں

منعقد محفل نشاط قریں

محفل غسل صحت نواب

رونق افزاے مسند تمکیں

بزم گہ میں امیر شاہ نشاں

رزم گہ میں حریف شیر کمیں

پیش گاہ حضور شوکت و جاہ

خیر خواہ جناب دولت و دیں

جن کی مسند کا آسماں گوشہ

جن کی خاتم کا آفتاب نگیں

جن کی دیوار قصر کے نیچے

آسماں ہے گداے سایہ نشیں

دہر میں اس طرح کی بزم سرور

نہ ہوئی ہو کبھی بروے زمیں

انجم چرخ گوہر آگیں فرش

نور مے ماہ ساغر سیمیں

راجہ اندر کا جو اکھاڑا ہے

ہے وہ بالاے سطح چرخ بریں

وہ نظرگاہ اہل وہم و خیال

یہ ضیا بخش چشم اہل یقیں

واں کہاں یہ عطا و بذل و کرم

کہ جہاں گدیہ گر کا نام نہیں

یاں زمیں پر نظر جہاں تک جائے

ژالہ آما بچھے ہیں در ثمیں

نغمۂ مطربان زہرہ نوا

جلوۂ لولیان ماہ جبیں

اس اکھاڑے میں جو کہ ہے مظنوں

یاں وہ دیکھا بچشم صورت بیں

سرور مہر فر ہوا جو سوار

بکمال تجمل و تزئیں

سب نے جانا کہ ہے پری توسن

اور بال پری ہے دامن زیں

نقش سم سمند سے یکسر

بن گیا دشت دامن گلچیں

فوج کی گرد راہ مشک فشاں

رہرووں کے مشام عطر آگیں

بس کہ بخشی ہے فوج کو عزت

فوج کا ہر پیادہ ہے فرزیں

موکب خاص یوں زمیں پر تھا

جس طرح ہے سپہر پر پرویں

چھوڑ دیتا تھا گور کو بہرام

ران پر داغ تازہ دے کے وہیں

اور داغ آپ کی غلامی کا

خاص بہرام کا ہے زیب سریں

بندہ پرور ثنا طرازی سے

مدعا عرض فن شعر نہیں

آپ کی مدح اور میرا منھ

گر کہوں بھی تو کس کو آئے یقیں

اور پھر اب کہ ضعف پیری سے

ہو گیا ہوں نزار و زارو حزیں

پیری و نیستی خدا کی پناہ

دست خالی و خاطر غمگیں

صرف اظہار ہے ارادت کا

ہے قلم کی جو سجدہ ریز جبیں

مدح گستر نہیں دعاگو ہے

غالبؔ عاجز نیاز آگیں

ہے دعا بھی یہی کہ دنیا میں

تم رہو زندہ جاوداں آمیں

marhaba sal-e-farrukhi aen

eid-e-shawwal-o-mah farwar den

shab-o-roz iftikhar-e-lail-o-nahar

mah-o-sal ashraf hafta baad nahin

so is ikyyis din mein holi ki

majlisen ja baja huin rangin

shahr goya namuna-e-gulzar

bagh goya nigarkhana-e-chin

tin tewhar aur aise khub

jama hargiz hue na honage kahin

phir hui hai isi mahine mein

munaqid mahfil-e-nishat-e-qarin

mahfil-e-ghusl-e-sehhat-e-nawwab

raunaq afza-e-masnad-e-tamkin

bazm-e-gah mein amir-e-shah nishan

razm gah mein harif-e-sher-e-kamin

pesh gah-e-huzur-e-shaukat-o-jah

khair khwah-e-janab-e-daulat-o-din

jin ki masnad ka asman gosha

jin ki khatam ka aftab nagin

jin ki diwar qasr ke niche

asman hai gidai saya nashin

dahr mein is tarah ki bazm-e-surur

na hui ho kabhi baruwe zamin

anjum-e-charkh-e-gauhar agin farsh

nur-e-mai mah saghar-e-simin

raja andar ka jo ukhara hai

hai wo bala-e-sath-e-charkh-e-barin

wo nazargah ahl-e-wahm-o-khayal

ye ziya bakhsh-e-chashm-e-ahl-e-yaqin

wan kahan ye ata-o-bazl-o-karam

ke jahan gidye gar ka nam nahin

yan zamin par nazar jahan tak jae

zhala amana bichhe hain dar-e-samin

naghma-e-mutriban-e-zohra nawa

jalwa-e-loliin-e-mah-e-jabin

is ukhare mein jo ke hai maznun

yan wo dekha bachashm surat bin

surur-e-mehr far hua jo sawar

bikmal tajammul-o-tazin

sab ne jana ke hai pari tosun

aur bal-e-pari hai daman-e-zain

naqsh-e-sam-e-samand se yaksar

ban gaya dasht-e-daman-e-gulchin

fauj ki gard-e-rah-e-mushk fishan

rahrawon ke masham itr agin

bas ke bakhshi hai fauj ko izzat

fauj ka har piyada hai farzin

maukib-e-khas yun zamin par tha

jis tarah hai sipehr par parwin

chhor deta tha gor ko bahram

ran par dagh taza de ke wahin

aur dagh ap ki ghulami ka

khas bahram ka hai zeb saren

banda parwar sana tarazi se

muddaa arz-e-fan-e-sher nahin

ap ki madh aur mera munh

gar kahun bhi to kis ko ae yaqin

aur phir ab ke zof-e-piri se

ho gaya hun nizar-o-zaro hazin

piri-o-nisti khuda ki panah

dast-e-khali-o-khatir-e-ghamgin

sirf-e-izhar hai iradat ka

hai qalam ki jo sajda rez jabin

madh gustar nahin duago hai

ghalib ajiz niyaz-e-agin

hai dua bhi yahi ke duniya mein

tum raho zinda jawedan amanen