مرا دل آ گیا جھٹ پٹ جھپٹ میں

مرا دل آ گیا جھٹ پٹ جھپٹ میں

ہوا لٹ پٹ لپٹ زلفوں کی لٹ میں

نمایاں ہے وو نور چشم مردم

پلک کی پٹ میں پتلی کی اولٹ میں

اگر دیدار کے پانے کی ہے چاہ

لے سمرن آنسووں کی رہ رہٹ میں

ہر اک ناقوس میں آتی ہے آواز

کہ ہے پرگھٹ وو ہر ہر، ہر کے گھٹ میں

لگی ہے چٹ پٹی مت کر نپٹ ہٹ

چھپے مت لٹ پٹے گھونگٹ کے پٹ میں

دل دیوانہ میرا آ گیا ہے

تری زلفوں کے سائے کی جھپٹ میں

سراجؔ اس شمع رو بن جل گیا ہے

نپٹ حسرت کے شعلوں کی لپٹ میں

mira dil a gaya jhat pat jhapat mein

hawa lut pat lipat zulfon ki lut mein

numayan hai wo nur-e-chashm-e-mardum

palak ki pat mein putli ki olut mein

agar didar ke pane ki hai chah

le sumran ansiwon ki rah rahat mein

har ik naqus mein ati hai awaz

ke hai parghat wo har har, har ke ghut mein

lagi hai chat piti mat kar nipat hat

chhupe mat lut pite ghungat ke pat mein

dil-e-diwana mera a gaya hai

tiri zulfon ke sae ki jhapat mein

siraj is shama ro ban jal gaya hai

nipat hasrat ke sholon ki lipat mein