مرا دل نہیں ہے میرے ہات تم بن

مرا دل نہیں ہے میرے ہات تم بن

خوش آتی نہیں کسی کی بات تم بن

گھٹا غم اشک پانی آہ بجلی

برستا ہے عجب برسات تم بن

پکاروں کیوں نہ میں ہے دوست ہے دوست

کہ ہر شب قتل کی ہے رات تم بن

کبھی تو آئے گی پھر وصل کی آن

کیا غم نے مرے پر گھات تم بن

سراجؔ از بس کہ ہے بے تاب دیدار

اسے ہے زندگی سکرات تم بن

mira dil nahin hai mere hat tum ban

khush ati nahin kisi ki bat tum ban

ghata gham ashk pani ah bijli

barasta hai ajab barsat tum ban

pukarun kyun na main hai dost hai dost

ke har shab qatl ki hai rat tum ban

kabhi to aegi phir wasl ki an

kiya gham ne mire par ghat tum ban

siraj az bas ke hai be tab didar

use hai zindagi sakarat tum ban