مسیحا آ کے بالیں پر جو رو جائے تو رو جائے

مسیحا آ کے بالیں پر جو رو جائے تو رو جائے

نصیبہ جاگ کر اپنا جو سو جائے تو سو جائے

مجھے پروا نہ اچھے کی برائی کا نہ خطرہ ہے

مرا دل تیرے ہاتھوں سے جو کھو جائے تو کھو جائے

نہ جینے کی خوشی مجھ کو نہ مرنے کا الم کچھ ہے

جو ہونا ہے مقدر میں وہ ہو جائے تو ہو جائے

رقیب رو سیہ سے ہے عبث امید نیکی کی

کوئی کانٹا مرے حق میں جو بو جائے تو بو جائے

نہ کی کچھ قدر جیتے جی وہ پچھتاتا ہے مرنے پر

مری تربت پہ اب آ کر جو رو جائے تو رو جائے

مرے اشک ندامت سے حیاؔ مجھ کو یقیں ہے یہ

گنہ جو کچھ ہوا مجھ سے وہ دھو جائے تو دھو جائے

masiha a ke balin par jo ro jae to ro jae

nasiba jag kar apna jo so jae to so jae

mujhe parwa na achchhe ki burai ka na khatra hai

mira dil tere hathon se jo kho jae to kho jae

na jine ki khushi mujh ko na marne ka alam kuchh hai

jo hona hai muqaddar mein wo ho jae to ho jae

raqib ro siyah se hai abas ummid neki ki

koi kanta mire haq mein jo bu jae to bu jae

na ki kuchh qadar jite ji wo pachhtata hai marne par

miri turbat pe ab a kar jo ro jae to ro jae

mire ashk-e-nadamat se haya mujh ko yaqin hai ye

gunah jo kuchh hua mujh se wo dho jae to dho jae