اختر صبح

ستارہ صبح کا روتا تھا اور یہ کہتا تھا

مِلی نگاہ مگر فرصتِ نظر نہ ملی

ہوئی ہے زندہ دمِ آفتاب سے ہر شے

اماں مجھی کو تہِ دامنِ سحَر نہ ملی

بساط کیا ہے بھلا صبح کے ستارے کی

نفَس حباب کا، تابندگی شرارے کی

کہا یہ میں نے کہ اے زیورِ جبینِ سحَر!

غمِ فنا ہے تجھے! گُنبدِ فلک سے اُتر

ٹپک بلندیِ گردُوں سے ہمرہِ شبنم

مرے ریاضِ سخن کی فضا ہے جاں پرور

میں باغباں ہوں، محبّت بہار ہے اس کی

بِنا مثالِ ابد پائدار ہے اس کی

sitara subh ka rota tha aur ye kahta tha

mili nigah magar fursat-e-nazar na mili

hui hai zinda dam-e-aftab se har shai

aman mujhi ko tah-e-daman-e-sahar na mili

bisat kya hai bhala subh ke sitare ki

nafas habab ka, tabindagi sharare ki

kaha ye main ne ke ai zewar-e-jabin-e-sahar!

gham-e-fana hai tujhe! gumbad-e-falak se utar

tapak bulandi-e-gardun se hamrah-e-shabnam

mire riyaz-e-sukhan ki faza hai jan parwar

main baghban hun, mohabbat bahar hai us ki

bina misal-e-abad paidar hai us ki