مسجد قوت الاسلام

ہے مرے سِینۂ بے نُور میں اب کیا باقی

’لااِلہ‘ مُردہ و افسُردہ و بے ذوقِ نمود

چشمِ فطرت بھی نہ پہچان سکے گی مجھ کو

کہ ایازی سے دِگرگُوں ہے مقامِ محمودؔ

کیوں مسلماں نہ خِجل ہو تری سنگینی سے

کہ غلامی سے ہُوا مثلِ زُجاج اس کا وجود

ہے تری شان کے شایاں اُسی مومن کی نماز

جس کی تکبیر میں ہو معرکۂ بود و نبود

اب کہاں میرے نفَس میں وہ حرارت، وہ گداز

بے تب و تابِ درُوں میری صلوٰۃ اور درُود

ہے مِری بانگِ اذاں میں نہ بلندی، نہ شکوہ

کیا گوارا ہے تجھے ایسے مسلماں کا سجود؟

hai mire sina-e-be nur mein ab kya baqi

'laala' murda-o-afsurda-o-be zauq-e-numud

chashm-e-fitrat bhi na pahchan sakegi mujh ko

ke ayazi se digargun hai maqam-e-mahmud

kyun musalman na khajil ho tiri sangini se

ke ghulami se hua misl-e-zujaj us ka wajud

hai tiri shan ke shayan usi momin ki namaz

jis ki takbir mein ho marka-e-bud-o-nabod

ab kahan mere nafas mein wo hararat, wo gudaz

be tab-o-tab-e-darun meri salwat aur durud

hai miri bang-e-azan mein na bulandi, na shikwa

kya gawara hai tujhe aise musalman ka sujud?