مسولینی

نُدرتِ فکر و عمل کیا شے ہے، ذوقِ انقلاب

نُدرتِ فکر و عمل کیا شے ہے، مِلّت کا شباب

نُدرتِ فکر و عمل سے معجزاتِ زندگی

نُدرتِ فکر و عمل سے سنگِ خارا لعلِ ناب

رومتہ الکبریٰ! دِگرگُوں ہوگیا تیرا ضمیر

اینکہ می بینم بہ بیدار یست یا رب یا بہ خواب!

چشمِ پِیرانِ کُہَن میں زندگانی کا فروغ

نوجواں تیرے ہیں سوزِ آرزو سے سِینہ تاب

یہ محبّت کی حرارت، یہ تمنّا، یہ نمود

فصلِ گُل میں پھُول رہ سکتے نہیں زیرِ حجاب

نغمہ ہائے شوق سے تیری فضا معمور ہے

زخمہ ور کا منتظر تھا تیری فطرت کا رباب

فیض یہ کس کی نظر کا ہے، کرامت کس کی ہے؟

وہ کہ ہے جس کی نِگہ مثلِ شُعاعِ آفتاب!

nudrat-e-fikr-o-amal kya shai hai, zauq-e-inqilab

nudrat-e-fikr-o-amal kya shai hai, millat ka shabab

nudrat-e-fikr-o-amal se mojizat-e-zindagi

nudrat-e-fikr-o-amal se sang-e-khara laal-e-nab

romtah alkibri! digargun hogaya tera zamir

inakka me benam ba bedar yasat ya rab ya ba khwab!

chashm-e-piran-e-kuhan mein zindagani ka farogh

naujawan tere hain soz-e-arzu se sina tab

ye mohabbat ki hararat, ye tamanna, ye numud

fasl-e-gul mein phul rah sakte nahin zer-e-hijab

naghma ha-e-shauq se teri faza maamur hai

zakhma war ka muntazir tha teri fitrat ka rabab

faiz ye kis ki nazar ka hai, karamat kis ki hai?

wo ke hai jis ki nigah misl-e-shua-e-aftab!