مسلماں کے لہُو میں ہے سلیقہ دل نوازی کا

مسلماں کے لہُو میں ہے سلیقہ دل نوازی کا

مرّوت حُسنِ عالم‌گیر ہے مردانِ غازی کا

شکایت ہے مجھے یا رب! خداوندانِ مکتب سے

سبق شاہیں بچوں کو دے رہے ہیں خاکبازی کا

بہت مدّت کے نخچیروں کا اندازِ نگہ بدلا

کہ مَیں نے فاش کر ڈالا طریقہ شاہبازی کا

قلندر جُز دو حرفِ لااِلہ کچھ بھی نہیں رکھتا

فقیہِ شہر قاروں ہے لُغَت ہائے حجازی کا

حدیثِ بادہ و مینا و جام آتی نہیں مجھ کو

نہ کر خارا شگافوں سے تقاضا شیشہ سازی کا

کہاں سے تُونے اے اقبالؔ سِیکھی ہے یہ درویشی

کہ چرچا پادشاہوں میں ہے تیری بے نیازی کا

musalman ke lahu mein hai saliqa dil nawazi ka

murawwat husn-e-alamgir hai mardan-e-ghazi ka

shikayat hai mujhe ya rab! khudawandan-e-maktab se

sabaq shahin bachchon ko de rahe hain khakbazi ka

bahut muddat ke nakhchiron ka andaz-e-nigah badla

ke main ne fash kar dala tariqa shahbazi ka

qalandar juz do harf-e-laala kuchh bhi nahin rakhta

faqih-e-shahr qarun hai lughat ha-e-hijazi ka

hadis-e-bada-o-mina-o-jam ati nahin mujh ko

na kar khara shigafon se taqaza shisha sazi ka

kahan se tune ai iqbal sikhi hai ye darweshi

ke charcha padshahon mein hai teri be niyazi ka