مسکرا کر عاشقوں پر مہربانی کیجئے

مسکرا کر عاشقوں پر مہربانی کیجئے

بلبلوں کی پاس خاطر گل فشانی کیجئے

عشق نے از بس دیا ہے زرد رنگی کا رواج

ارغوانی آنسوؤں کوں زعفرانی کیجئے

مے کش غم کوں شب مہتاب ہے موئے سفید

موسم پیری میں سامان جوانی کیجئے

ہجر کی راتوں میں لازم ہے بیان زلف یار

نیند تو جاتی رہی ہے قصہ خوانی کیجئے

یار جانی تو زمانے میں نپٹ کم یاب ہیں

کیجئے دشمن اگر اپنا تو جانی کیجئے

مت ہو اے دل توں سدا بلبل ہزاروں پھول کا

ایک باقی بوجھئے باقی کوں فانی کیجئے

سب سمندر متفق ہو مجھ کوں کہتے ہیں سراجؔ

شعلہ رو کے وصف میں آتش بیانی کیجئے

muskura kar ashiqon par mehrbani kijiye

bulbulon ki pas-e-khatir gul fishani kijiye

ishq ne az bas diya hai zard rangi ka riwaj

arghawani ansuon kun zafrani kijiye

mai kash-e-gham kun shab-e-mahtab hai mu-e-safed

mausam-e-piri mein saman-e-jawani kijiye

hijr ki raton mein lazim hai bayan-e-zulf-e-yar

nind to jati rahi hai qissa khwani kijiye

yar jani to zamane mein nipat kam yab hain

kijiye dushman agar apna to jani kijiye

mat ho ai dil tun sada bulbul hazaron phul ka

ek baqi bujhiye baqi kun fani kijiye

sab samundar muttafiq ho mujh kun kahte hain siraj

shola ro ke wasf mein atish bayani kijiye