مستی کردار

صُوفی کی طریقت میں فقط مستیِ احوال

مُلّا کی شریعت میں فقط مستیِ گُفتار

شاعر کی نوا مُردہ و افسُردہ و بے ذوق

افکار میں سرمست، نہ خوابیدہ نہ بیدار

وہ مردِ مجاہد نظر آتا نہیں مجھ کو

ہو جس کے رگ و پَے میں فقط مستیِ کردار

sufi ki tariqat mein faqat masti-e-ahwal

mulla ki shariat mein faqat masti-e-guftar

shayar ki nawa murda-o-afsurda-o-be zauq

afkar mein sarmast, na khwabida na bedar

wo mard-e-mujahid nazar ata nahin mujh ko

ho jis ke rag-o-pai mein faqat masti-e-kirdar