احساس غیرت

ہم کسی خوف میں ہرگز نہیں آنے والے

کہہ دو اب ہم کو ڈرائیں نہ ڈرانے والے

ہم میں خود داری و غیرت کی کمی تھی جب تک

ڈھا چکے ہم پہ ستم خوب سے ڈھانے والے

مٹ لئے ہم میں نہ تھا جب تلک احساس اس کا

اب ذرا ہوش کی لیں ہم کو مٹانے والے

ہو گئی ہم کو اب اپنی غلطی پر تنبیہ

اب ہم اغیار کے دم میں نہیں آنے والے

ہم کو ذلت جو دیا کرتے ہیں خود ہوں گے ذلیل

وہ بھی دن جلد مقدر سے ہیں آنے والے

لیں گے جلد ان سے ہم اس جور و جفا کا بدلہ

دل میں خوش ہوں نہ بہت ہم کو ستانے والے

مل گئی ہند کو برٹش کی غلامی سے نجات

کاش یہ مژدہ سنیں جلد زمانے والے

ham kisi khauf mein hargiz nahin ane wale

kah do ab ham ko daraen na darane wale

ham mein khud dari-o-ghairat ki kami thi jab tak

dha chuke ham pe sitam khub se dhane wale

mit liye ham mein na tha jab talak ehsas us ka

ab zara hosh ki len ham ko mitane wale

ho gai ham ko ab apni ghalati par tambih

ab ham aghyar ke dam mein nahin ane wale

ham ko zillat jo diya karte hain khud honge zalil

wo bhi din jald muqaddar se hain ane wale

lenge jald un se ham is jaur-o-jafa ka badla

dil mein khush hun na bahut ham ko satane wale

mil gai hind ko biritish ki ghulami se najat

kash ye muzhda sunen jald zamane wale