Arooz is now on the App Store, for iPhone and iPad. Download →

All poetry

مانی ہزار منتیں رد نہ ہوئی بلائے دل

Dagh Dehlvi (1831–1905)

مانی ہزار منتیں رد نہ ہوئی بلائے دل

درد کچھ اور بڑھ گیا میں نے جو کی دوائے دل

میری طرح خدا کرے تیرا کسی پے آئے دل

تو بھی جگر کو تھام کہ کہتا پھرے کے ہائےدل

غنچہ سمجھ کے لے لیا چُٹکی سے یوں مسل دیا

ان کا تو اک کھیل تھا لُٹ گیا میرا ہائے دل

روندو نہ میری قبر کو اس میں دبی ہیں حسرتیں

رکھنا قدم سنبھال کر دیکھو کُچل نہ جائے دل

عاشقِ نامراد کی قبر پہ تھا لکھا ہوا

جس کو ہو زندگی عزیز وہ نہ کہیں لگائے دل

پوچھتے کیا ہو میرے غم ملتے ہیں بے وفا صنم

چھوڑو بُتوں کی دوستی دیتا یہی ہے رائے دل