لالے پڑے ہیں جان کے جینے کا اہتمام کر

لالے پڑے ہیں جان کے جینے کا اہتمام کر

جن میں ہو کیف زندگی بہر خدا وہ کام کر

طور حیات سے اڑا جذبۂ زیستن کی آگ

جب کہیں جا کے نیت زندگی دوام کر

پہلے یہ سوچ دام کے توڑنے کی سکت بھی ہے

بعد کو دل میں خواہش دانۂ زیر دام کر

تجھ کو تری ہی آنکھ سے دیکھ رہی ہے کائنات

بات یہ راز کی نہیں اپنا خود احترام کر

حیف سمجھ رہا ہے تو اپنی جھجک کو محتسب

مے کدۂ حیات میں شوق سے مے بجام کر

نقش نوی نہیں ہے تو صفحۂ روزگار پر

مٹنے سے گر نہیں مفر مٹ ہی کے اپنا نام کر

بندۂ خواہشات کو کہتا ہے کون عبد حر

چاہیئے حریت اگر دل کو امیںؔ غلام کر

lale pare hain jan ke jine ka ehtimam kar

jin mein ho kaif-e-zindagi bahr-e-khuda wo kam kar

tur hayat se ura jazba-e-zestan ki ag

jab kahin ja ke niyyat-e-zindagi-e-dawam kar

pahle ye soch dam ke torne ki sakat bhi hai

baad ko dil mein khwahish-e-dana-e-zer-e-dam kar

tujh ko tiri hi ankh se dekh rahi hai kainat

bat ye raz ki nahin apna khud ehtiram kar

haif samajh raha hai to apni jhijak ko mohtasib

mai kada-e-hayat mein shauq se mai bajum kar

naqsh-e-nawi nahin hai to safha-e-rozgar par

mitne se gar nahin mafar mit hi ke apna nam kar

banda-e-khwahishat ko kahta hai kaun abd-e-har

chahiye hurriyyat agar dil ko amin ghulam kar