قسمت میں ہیں بربادیاں یاد وطن سے کیا غرض

قسمت میں ہیں بربادیاں یاد وطن سے کیا غرض

میں پھول ہوں ٹوٹا ہوا مجھ کو چمن سے کیا غرض

تو نے پھرایا در بدر تقدیر سے کیا واسطہ

تو نے ملایا خاک میں چرخ کہن سے کیا غرض

غنچے کہیں کھل کر ہنسیں ہنس کر تپے کی کچھ کہیں

موج تبسم کو بھلا تیرے دہن سے کیا غرض

کیا قتل سے دل شاد ہے کہنا کسی کا یاد ہے

میرے شہید ناز کو قید کفن سے کیا غرض

صد چاک داماں ہو تو ہو ٹکڑے گریباں ہو تو ہو

ہم اور ہی عالم میں ہیں اب تن بدن سے کیا غرض

نازشؔ نہ چھوڑو شغل مے تقویٰ کا دعویٰ ہے ریا

تم صاف باطن رند ہو اس مکر و فن سے کیا غرض

qismat mein hain barbadiyan yad-e-watan se kya gharaz

main phul hun tuta hua mujh ko chaman se kya gharaz

tu ne pharaya dar badar taqdir se kya wasta

tu ne milaya khak mein charkh-e-kuhan se kya gharaz

ghunche kahin khul kar hansen hans kar tape ki kuchh kahin

mauj-e-tabassum ko bhala tere dahan se kya gharaz

kya qatl se dil shad hai kahna kisi ka yad hai

mere shahid-e-naz ko qaid-e-kafan se kya gharaz

sad chak-e-daman ho to ho tukre gareban ho to ho

ham aur hi alam mein hain ab tan badan se kya gharaz

nazish na chhoro shaghl-e-mai taqwa ka daawa hai riya

tum saf batin rind ho is makr-o-fan se kya gharaz