قدر وفا بھی ہوگی کسی دن جفا کے بعد

قدر وفا بھی ہوگی کسی دن جفا کے بعد

لائے گا رنگ خون شہیداں حنا کے بعد

ہوتا ہے انقلاب جہاں ہر ادا کے بعد

بے باک بھی بنوگے کبھی تم حیا کے بعد

لائے ہیں پھول اہل محبت کی قبر پر

کیا یاد آ گیا انہیں ترک جفا کے بعد

کعبہ میں مجھ سے شان بتاں پوچھتے ہو شیخ

توبہ میں ان کا ذکر کروں گا خدا کے بعد

ان کی کمر کا کوئی پتہ ہی نہیں کہیں

یہ دوسرا طلسم نظر ہے ہما کے بعد

بیٹھی ہے لے کے اب مجھے آغوش میں زمیں

آرام سے ہوں کنج لحد میں قضا کے بعد

اہل وفا ملے گا نہ مجھ سا جہان میں

پچھتائیں گے وہ اوجؔ خود آخر جفا کے بعد

qadar-e-wafa bhi hogi kisi din jafa ke baad

laega rang-e-khun-e-shahidan hina ke baad

hota hai inqilab jahan har ada ke baad

be bak bhi banoge kabhi tum haya ke baad

lae hain phul ahl-e-mohabbat ki qabr par

kya yad a gaya unhen tark-e-jafa ke baad

kaaba mein mujh se shan-e-butan puchhte ho shaikh

tauba mein un ka zikr karunga khuda ke baad

un ki kamar ka koi pata hi nahin kahin

ye dusra tilism-e-nazar hai huma ke baad

baithi hai le ke ab mujhe aghosh mein zamin

aram se hun kunj-e-lahad mein qaza ke baad

ahl-e-wafa milega na mujh sa jahan mein

pachhtaenge wo auj-e-khud akhir jafa ke baad