قسمت شوق آزما نہ سکے

قسمت شوق آزما نہ سکے

ان سے ہم آنکھ بھی ملا نہ سکے

ہم سے یاں رنج ہجر اٹھ نہ سکا

واں وہ مجبور تھے وہ آ نہ سکے

ڈر یہ تھا رو نہ دیں کہیں وہ انہیں

ہم ہنسی میں بھی گدگدا نہ سکے

ہم سے دل آپ نے اٹھا تو لیا

پر کہیں اور بھی لگا نہ سکے

اب کہاں تم کہاں وہ ربط وفا

یاد بھی جس کی ہم دلا نہ سکے

دل میں کیا کیا تھے عرض حال کے شوق

اس نے پوچھا تو کچھ بتا نہ سکے

ہم تو کیا بھولتے انہیں حسرتؔ

دل سے وہ بھی ہمیں بھلا نہ سکے

qismat-e-shauq azma na sake

un se ham ankh bhi mila na sake

ham se yan ranj-e-hijr uth na saka

wan wo majbur the wo a na sake

dar ye tha ro na den kahin wo unhen

ham hansi mein bhi gudguda na sake

ham se dil ap ne utha to liya

par kahin aur bhi laga na sake

ab kahan tum kahan wo rabt-e-wafa

yad bhi jis ki ham dila na sake

dil mein kya kya the arz-e-hal ke shauq

us ne puchha to kuchh bata na sake

ham to kya bhulte unhen hasrat

dil se wo bhi hamen bhula na sake