قصد جب تیری زیارت کا کبھو کرتے ہیں

قصد جب تیری زیارت کا کبھو کرتے ہیں

چشم پر آب سے آئینے وضو کرتے ہیں

کرتے اظہار ہیں در پردہ عداوت اپنی

وہ مرے آگے جو تعریف عدو کرتے ہیں

دل کا یہ حال ہے پھٹ جائے ہے سو جائے سے اور

اگر اک جائے سے ہم اس کو رفو کرتے ہیں

توڑیں اک نالے سے اس کاسۂ گردوں کو مگر

نوش ہم اس میں کبھو دل کا لہو کرتے ہیں

قد دل جو کو تمہارے نہیں دیکھا شاید

سرکشی اتنی جو سرو لب جو کرتے ہیں

qasd jab teri ziyarat ka kabhu karte hain

chashm par ab se aine wuzu karte hain

karte izhar hain dar parda adawat apni

wo mire age jo taarif adu karte hain

dil ka ye hal hai phat jae hai so jae se aur

agar ik jae se ham us ko rafu karte hain

toren ik nale se is kasa-e-gardun ko magar

nosh ham is mein kabhu dil ka lahu karte hain

qad-e-dil jo ko tumhare nahin dekha shayad

sarkashi itni jo sarw lab jo karte hain