قوموں کے لیے موت ہے مرکز سے جُدائی

قوموں کے لیے موت ہے مرکز سے جُدائی

ہو صاحبِ مرکز تو خودی کیا ہے، خدائی!

جو فقر ہُوا تلخیِ دوراں کا گِلہ مند

اُس فقر میں باقی ہے ابھی بُوئے گدائی

اس دور میں بھی مردِ خُدا کو ہے میَسّر

جو معجزہ پربت کو بنا سکتا ہے رائی

در معرکہ بے سوزِ تو ذوقے نتواں یافت

اے بندۂ مومن تو کجائی، تو کجائی

خورشید! سرا پردۂ مشرق سے نکل کر

پہنا مرے کُہسار کو ملبوسِ حنائی

qaumon ke liye maut hai markaz se judai

ho sahab-e-markaz to khudi kya hai, khudai!

jo faqr hua talkhi-e-dauran ka gila mand

us faqr mein baqi hai abhi bu-e-gadai

is daur mein bhi mard-e-khuda ko hai muyassar

jo mojiza parbat ko bana sakta hai rai

dar marka be soz-e-to zuqai nitwan yaft

ai banda-e-momin to kujai, to kujai

khurshid! sara parda-e-mashriq se nikal kar

pahna mire kohsar ko malbus-e-hinai