قتل پر باندھ چکا وہ بت گمراہ میاں

قتل پر باندھ چکا وہ بت گمراہ میاں

دیکھیں اب کس کی طرف ہوتے ہیں اللہ میاں

نزع میں چشم کو دیدار سے محروم نہ رکھ

ورنہ تا حشر یہ دیکھیں گی تری راہ میاں

تو جدھر چاہے ادھر جا کہ سحر سے تا شام

میں بھی سائے کی طرح ہوں ترے ہمراہ میاں

ہم تری چاہ سے چاہیں گے اسے بھی دل سے

جس کو جی چاہے اسے شوق سے تو چاہ میاں

لیکن اتنا ہے کہ اس چاہ میں دریا ہیں کئی

ایسے ایسے کئی ہیں جن کی نہیں تھاہ میاں

آگے مختار ہو تم ہم جو تمہیں چاہے ہیں

اس سبب سے تمہیں ہم کرتے ہیں آگاہ میاں

جب دم نزع نہ آیا وہ ستم گر تو نظیرؔ

مر گیا کہہ کے یہ حسرت زدہ اے واہ میاں

qatl par bandh chuka wo but-e-gumrah miyan

dekhen ab kis ki taraf hote hain allah miyan

nazaa mein chashm ko didar se mahrum na rakh

warna ta hashr ye dekhengi tiri rah miyan

tu jidhar chahe idhar ja ke sahar se ta sham

main bhi sae ki tarah hun tire hamrah miyan

ham tiri chah se chahenge use bhi dil se

jis ko ji chahe use shauq se to chah miyan

lekin itna hai ke is chah mein dariya hain kai

aise aise kai hain jin ki nahin thah miyan

age mukhtar ho tum ham jo tumhen chahe hain

is sabab se tumhen ham karte hain agah miyan

jab dam-e-nazaa na aya wo sitam gar to nazir

mar gaya kah ke ye hasrat zada ai wah miyan