فیض محبت سے ہے قید محن

فیض محبت سے ہے قید محن

میرے لیے ایک بلائے حسن

شام غریباں کے برابر کہاں

مذہب عشاق میں صبح وطن

آہ وہ غارت گر صبر و شکیب

سلسلۂ زلف شکن در شکن

فتنۂ جاں وہ سخن دل پذیر

دشمن دیں وہ نگہ سحر فن

جلوۂ جاناں سے ہے دارالسرور

خانۂ جاں اب نہیں بیت الحزن

مہر و مروت سے تمہیں واسطا

یہ بھی حریفوں کا ہے اک حسن ظن

جب سے کہا عشق نے حسرتؔ مجھے

کوئی بھی کہتا نہیں فضل الحسن

faiz-e-mohabbat se hai qaid-e-mehan

mere liye ek bala-e-husn

sham-e-ghariban ke barabar kahan

mazhab-e-ushshaq mein subh-e-watan

ah wo gharat gar sabr-o-shakeb

silsila-e-zulf-e-shikan dar shikan

fitna-e-jan wo sukhan-e-dil pazir

dushman den wo nigah-e-sahar fan

jalwa-e-janan se hai daralsaror

khana-e-jan ab nahin bit alhazan

mehr-o-murawwat se tumhen wasta

ye bhi harifon ka hai ik husn-e-zan

jab se kaha ishq ne hasrat mujhe

koi bhi kahta nahin fazl-e-alhusn