فقر و ملوکیت

فقر جنگاہ میں بے ساز و یراق آتا ہے

ضرب کاری ہے، اگر سینے میں ہے قلبِ سلیم

اس کی بڑھتی ہوئی بے باکی و بے تابی سے

تازہ ہر عہد میں ہے قصّۂ فرعون و کلیم

اب ترا دَور بھی آنے کو ہے اے فقرِ غیور

کھا گئی رُوحِ فرنگی کو ہوائے زروسِیم

عشق و مستی نے کِیا ضبطِ نفَس مجھ پہ حرام

کہ گِرہ غُنچے کی کھُلتی نہیں بے موجِ نسیم

faqr jangah mein be saz-o-yaraq ata hai

zarb-e-kari hai, agar sine mein hai qalb-e-salim

us ki barhti hui be baki-o-be tabi se

taza har ahd mein hai qissa-e-firaun-o-kalim

ab tira daur bhi ane ko hai ai faqr-e-ghayur

kha gai ruh-e-farangi ko hawa-e-zarosim

ishq-o-masti ne kiya zabt-e-nafas mujh pe haram

ke girah ghunche ki khulti nahin be mauj-e-nasim