فِطرت نے نہ بخشا مجھے اندیشۂ چالاک

فِطرت نے نہ بخشا مجھے اندیشۂ چالاک

رکھتی ہے مگر طاقتِ پرواز مِری خاک

وہ خاک کہ ہے جس کا جُنوں صَیقلِ ادراک

وہ خاک کہ جبریل کی ہے جس سے قبا چاک

وہ خاک کہ پروائے نشیمن نہیں رکھتی

چُنتی نہیں پہنائے چمن سے خس و خاشاک

اس خاک کو اللہ نے بخشے ہیں وہ آنسو

کرتی ہے چمک جن کی ستاروں کو عرق‌ناک

fitrat ne na bakhsha mujhe andesha-e-chalak

rakhti hai magar taqat-e-parwaz miri khak

wo khak ke hai jis ka junun saiqal-e-idrak

wo khak ke jibril ki hai jis se qaba chak

wo khak ke parwae nasheman nahin rakhti

chunti nahin pahnae chaman se khas-o-khashak

is khak ko allah ne bakhshe hain wo ansu

karti hai chamak jin ki sitaron ko araqnak