قاروں اٹھا کے سر پہ سنا گنج لے چلا

قاروں اٹھا کے سر پہ سنا گنج لے چلا

دنیا سے کیا بخیل بجز رنج لے چلا

منت تھی بوسۂ لب شیریں کہ دل مرا

مجھ کو سوئے مزار شکر گنج لے چلا

ساقی سنبھالتا ہے تو جلدی مجھے سنبھال

ورنہ اڑا کے پاں نشۂ بنج لے چلا

دوڑا کے ہاتھ چھاتی پہ ہم ان کی یوں پھرے

جیسے کوئی چور آ کے ہو نارنج لے چلا

چوسر کا لطف یہ ہے کہ جس وقت پو پڑے

ہم بر چہار بولے تو برپنج لے چلا

جس دم ظفرؔ نے پڑھ کے غزل ہاتھ سے رکھی

آنکھوں پہ رکھ ہر ایک سخن سنج لے چلا

qarun utha ke sar pe suna ganj le chala

duniya se kya bakhil bajuz ranj le chala

minnat thi bosa-e-lab-e-shirin ke dil mira

mujh ko su-e-mazar shakar ganj le chala

saqi sambhalta hai to jaldi mujhe sambhal

warna ura ke pan nasha-e-banaj le chala

daura ke hath chhati pe ham un ki yun phire

jaise koi chur a ke ho naranj le chala

chausar ka lutf ye hai ke jis waqt pau pare

ham bar chahar bole to barpanj le chala

jis dam zafar ne parh ke ghazal hath se rakhi

ankhon pe rakh har ek sukhan sanj le chala