فطرت کے مقاصد کی کرتا ہے نِگہبانی

فطرت کے مقاصد کی کرتا ہے نِگہبانی

یا بندۂ صحرائی یا مردِ کُہستانی

دنیا میں مُحاسب ہے تہذیبِ فُسوں گر کا

ہے اس کی فقیری میں سرمایۂ سُلطانی

یہ حُسن و لطافت کیوں؟ وہ قُوّت و شوکت کیوں

بُلبل چمَنِستانی، شہباز بیابانی!

اے شیخ! بہت اچھّی مکتب کی فضا، لیکن

بنتی ہے بیاباں میں فاروقی و سلمانی

صدیوں میں کہیں پیدا ہوتا ہے حریف اس کا

تلوار ہے تیزی میں صہبائے مسلمانی!

fitrat ke maqasid ki karta hai nigahbani

ya banda-e-sahrai ya mard-e-kuhistani

duniya mein muhasib hai tahzib-e-fusun gar ka

hai us ki faqiri mein sarmaya-e-sultani

ye husn-o-latafat kyun? wo quwwat-o-shaukat kyun

bulbul chamanistani, shahbaz-e-bayabani!

ai shaikh! bahut achchhi maktab ki faza, lekin

banti hai bayaban mein faruqi-o-sullamani

sadiyon mein kahin paida hota hai harif us ka

talwar hai tezi mein sahba-e-musalmani!