فطرت کو خِرد کے رُوبرو کر

فطرت کو خِرد کے رُوبرو کر

تسخیرِ مقامِ رنگ و بو کر

تُو اپنی خودی کو کھو چکا ہے

کھوئی ہوئی شے کی جُستجو کر

تاروں کی فضا ہے بیکرانہ

تُو بھی یہ مقام آرزو کر

عُریاں ہیں ترے چمن کی حوریں

چاکِ گُل و لالہ کو رفو کر

بے ذوق نہیں اگرچہ فطرت

جو اس سے نہ ہو سکا، وہ تُو کر!

fitrat ko khirad ke rubaru kar

taskhir-e-maqam-e-rang-o-bu kar

tu apni khudi ko kho chuka hai

khoi hui shai ki justuju kar

taron ki faza hai bekrana

tu bhi ye maqam-e-arzu kar

uryan hain tire chaman ki huren

chak-e-gul-o-lala ko rafu kar

be zauq nahin agarche fitrat

jo us se na ho saka, wo tu kar!