فصل گل کا غم دل ناشاد پر باقی رہا

فصل گل کا غم دل ناشاد پر باقی رہا

حشر لگ یہ مظلمہ صیاد پر باقی رہا

کھول کر زلفوں کوں آیا سرو قد جب باغ میں

نقش حیرت طرۂ شمشاد پر باقی رہا

جل گیا پروانہ پن مجھ سا سمندر خو نہیں

یہ سخن شاگرد کا استاد پر باقی رہا

عاشقی میں کب روا ہے اس طرح کی ظالمی

خون شیریں گردن فرہاد پر باقی رہا

رہ گئے ذوق تبسم میں تغافل کے شہید

بسملوں کا خوں بہا جلاد پر باقی رہا

الفت لیلیٰ نے مجنوں کا مٹایا سب نشاں

نام اس کا صفحۂ ایجاد پر باقی رہا

کھول چشم لطف دے جاگیر مقصود سراجؔ

شمع رو پروانہ دل صیاد پر باقی رہا

fasl-e-gul ka gham-e-dil nashad par baqi raha

hashr lag ye muzlima sayyad par baqi raha

khol kar zulfon kun aya sarw qad jab bagh mein

naqsh-e-hairat turra-e-shamshad par baqi raha

jal gaya parwana pan mujh sa samundar khu nahin

ye sukhan shagird ka ustad par baqi raha

ashiqi mein kab rawa hai is tarah ki zalimi

khun-e-shirin gardan-e-farhad par baqi raha

rah gae zauq-e-tabassum mein taghaful ke shahid

bismilon ka khun baha jallad par baqi raha

ulfat-e-laila ne majnun ka mitaya sab nishan

nam us ka safha-e-ijad par baqi raha

khol chashm-e-lutf de jagir maqsud-e-siraj

shama ro parwana dil sayyad par baqi raha