فلسفہ

افکار جوانوں کے خفی ہوں کہ جلی ہوں

پوشیدہ نہیں مرد قلندر کی نظر سے

معلوم ہیں مجھ کو ترے احوال کہ میں بھی

مدت ہوئی گزرا تھا اسی راہ گزر سے

الفاظ کے پیچوں میں الجھتے نہیں دانا

غواص کو مطلب ہے صدف سے کہ گہر سے

پیدا ہے فقط حلقہ ارباب جنوں میں

وہ عقل کہ پا جاتی ہے شعلے کو شرر سے

جس معنی پیچیدہ کی تصدیق کرے دل

قیمت میں بہت بڑھ کے ہے تابندہ گہر سے

یا مردہ ہے یا نزع کی حالت میں گرفتار

جو فلسفہ لکھا نہ گیا خون جگر سے

afkar jawanon ke khafi hun ke jali hun

poshida nahin mard-e-qalandar ki nazar se

maalum hain mujh ko tire ahwal ke main bhi

muddat hui guzra tha isi rah guzar se

alfaz ke pechon mein ulajhte nahin dana

ghawwas ko matlab hai sadaf se ke guhar se

paida hai faqat halqa-e-arbab-e-junun mein

wo aql ke pa jati hai shole ko sharar se

jis maani pechida ki tasdiq kare dil

qimat mein bahut barh ke hai tabinda guhar se

ya murda hai ya nazaa ki halat mein giraftar

jo falsafa likha na gaya khun-e-jigar se