فتنہ گر شوخی حیا کب تک

فتنہ گر شوخی حیا کب تک

دیکھنا اور نہ دیکھنا کب تک

بت کدہ کچھ در قبول نہیں

یاس ناکامیٔ دعا کب تک

درد اور درد بھی جدائی کا

ایسے بیمار کی دعا کب تک

ایک میں کیا عدو بھی مرتے ہیں

نگہ لطف آشنا کب تک

دل میں جوش حدیث کفر ظہیرؔ

لب پہ شور خدا خدا کب تک

fitna gar shokhi haya kab tak

dekhna aur na dekhna kab tak

but kada kuchh dar-e-qubul nahin

yas nakami-e-dua kab tak

dard aur dard bhi judai ka

aise bimar ki dua kab tak

ek main kya adu bhi marte hain

nigah-e-lutf ashna kab tak

dil mein josh-e-hadis-e-kufr zahir

lab pe shor-e-khuda khuda kab tak