فرمانِ خدا
Allama Iqbal (1877–1938)اُٹھّو! مری دنیا کے غریبوں کو جگا دو
کاخِ اُمَرا کے در و دیوار ہِلا دو
گرماؤ غلاموں کا لہُو سوزِ یقیں سے
کُنجشکِ فرومایہ کو شاہیں سے لڑا دو
سُلطانیِ جمہور کا آتا ہے زمانہ
جو نقشِ کُہَن تم کو نظر آئے، مِٹا دو
جس کھیت سے دہقاں کو میسرّ نہیں روزی
اُس کھیت کے ہر خوشۂ گندم کو جلا دو
کیوں خالق و مخلوق میں حائل رہیں پردے
پِیرانِ کلیسا کو کلیسا سے اُٹھا دو
حق را بسجودے، صنَماں را بطوافے
بہتر ہے چراغِ حَرم و دَیر بُجھا دو
میں ناخوش و بیزار ہُوں مَرمَر کی سِلوں سے
میرے لیے مٹّی کا حرم اور بنا دو
تہذیبِ نوی کارگہِ شیشہ گراں ہے
آدابِ جُنوں شاعرِ مشرِق کو سِکھا دو!
uttho! miri duniya ke gharibon ko jaga do
kakh-e-umara ke dar-o-diwar hila do
garmao ghulamon ka lahu soz-e-yaqin se
kunjishk-e-faromaya ko shahin se lara do
sultani-e-jamhur ka ata hai zamana
jo naqsh-e-kuhan tum ko nazar ae, mita do
jis khet se dehqan ko muyassar nahin rozi
us khet ke har khosha-e-gandum ko jala do
kyun khaliq-o-makhluq mein hail rahen parde
piran-e-kalisa ko kalisa se utha do
haq ra basjode, sanaman ra batwafe
behtar hai charagh-e-haram-o-dair bujha do
main nakhush-o-bezar hun marmar ki silon se
mere liye mitti ka haram aur bana do
tahzib-e-nawi karga-e-shisha giran hai
adab-e-junun shayar-e-mashriq ko sikha do!