فرضی لطیفہ

خدا حافظ مسلمانوں کا اکبرؔ

مجھے تو ان کی خوشحالی سے ہے یاس

یہ عاشق شاہد مقصود کے ہیں

نہ جائیں گے ولیکن سعی کے پاس

سناؤں تم کو اک فرضی لطیفہ

کیا ہے جس کو میں نے زیب قرطاس

کہا مجنوں سے یہ لیلیٰ کی ماں نے

کہ بیٹا تو اگر کر لے ایم اے پاس

تو فوراً بیاہ دوں لیلیٰ کو تجھ سے

بلا دقت میں بن جاؤں تری ساس

کہا مجنوں نے یہ اچھی سنائی

کجا عاشق کجا کالج کی بکواس

کجا یہ فطرتی جوش طبیعت

کجا ٹھونسی ہوئی چیزوں کا احساس

بڑی بی آپ کو کیا ہو گیا ہے

ہرن پہ لادی جاتی ہے کہیں گھاس

یہ اچھی قدر دانی آپ نے کی

مجھے سمجھا ہے کوئی ہرچرن داس

دل اپنا خون کرنے کو ہوں موجود

نہیں منظور مغز سر کا آماس

یہی ٹھہری جو شرط وصل لیلیٰ

تو استعفیٰ مرا با حسرت و یاس

khuda hafiz musalmanon ka akbar

mujhe to un ki khushhali se hai yas

ye ashiq shahid-e-maqsud ke hain

na jaenge walekin sai ke pas

sunaun tum ko ik farzi latifa

kya hai jis ko main ne zeb-e-qirtas

kaha majnun se ye laila ki man ne

ke beta to agar kar le aim ai pas

tu fauran biyah dun laila ko tujh se

bala diqqat mein ban jaun tiri sas

kaha majnun ne ye achchhi sunai

kuja ashiq kuja kalij ki bakwas

kuja ye fitrati josh-e-tabiat

kuja thunsi hui chizon ka ehsas

bari bi ap ko kya ho gaya hai

hiran pe ladi jati hai kahin ghas

ye achchhi qadr dani ap ne ki

mujhe samjha hai koi harcharan das

dil apna khun karne ko hun maujud

nahin manzur maghz-e-sar ka amas

yahi thahri jo shart-e-wasl-e-laila

tu istefa mira ba hasrat-o-yas