علم و عشق

علم نے مجھ سے کہا عشق ہے دیوانہ پن

عشق نے مجھ سے کہا علم ہے تخمین و ظن

بندۂ تخمین و ظن! کِرمِ کتابی نہ بن

عشق سراپا حضور، علم سراپا حِجاب!

عشق کی گرمی سے ہے معرکۂ کائنات

علم مقامِ صفات، عشق تماشائے ذات

عشق سکُون و ثبات، عشق حیات و ممات

علم ہے پیدا سوال، عشق ہے پِنہاں جواب!

عشق کے ہیں معجزات سلطنت و فقر و دِیں

عشق کے ادنیٰ غلام صاحبِ تاج و نگیں

عشق مکان و مکیں، عشق زمان و زمیں

عشق سراپا یقیں، اور یقیں فتحِ باب!

شرعِ محبّت میں ہے عشرتِ منزل حرام

شورشِ طُوفاں حلال، لذّتِ ساحل حرام

عشق پہ بجلی حلال، عشق پہ حاصل حرام

علم ہے اِبن الکتاب، عشق ہے اُمّ الکتاب!

ilm ne mujh se kaha ishq hai diwana pan

ishq ne mujh se kaha ilm hai takhmin-o-zan

banda-e-takhmin-o-zan! karam-e-kitabi na ban

ishq-e-sarapa huzur, ilm sarapa hijab!

ishq ki garmi se hai marka-e-kainat

ilm maqam-e-sifat, ishq tamasha-e-zat

ishq sukun-o-sabat, ishq hayat-o-mamat

ilm hai paida sawal, ishq hai pinhan jawab!

ishq ke hain mojizat saltanat-o-faqr-o-din

ishq ke adna ghulam sahab-e-taj-o-nagin

ishq makan-o-makin, ishq zaman-o-zamin

ishq-e-sarapa yaqin, aur yaqin fath-e-bab!

shar-e-mohabbat mein hai ishrat-e-manzil haram

shorish-e-tufan halal, lazzat-e-sahil haram

ishq pe bijli halal, ishq pe hasil haram

ilm hai ibn-e-alkitab, ishq hai umm alkitab!