عُرفی

محل ایسا کِیا تعمیر عُرفیؔ کے تخیّل نے

تَصدّق جس پہ حیرت خانۂ سیناؔ و فارابیؔ

فضائے عشق پر تحریر کی اُس نے نوا ایسی

میّسر جس سے ہیں آنکھوں کو اب تک اشکِ عُنّابی

مرے دل نے یہ اک دن اُس کی تُربت سے شکایت کی

نہیں ہنگامۂ عالم میں اب سامانِ بیتابی

مزاجِ اہلِ عالم میں تغیّر آگیا ایسا

کہ رخصت ہوگئی دنیا سے کیفیّت وہ سیمابی

فغانِ نیم شب شاعر کی بارِ گوش ہوتی ہے

نہ ہو جب چشمِ محفل آشنائے لُطفِ بے خوابی

کسی کا شُعلۂ فریاد ہو ظُلمت رُبا کیونکر

گراں ہے شب پرستوں پر سحَر کی آسماں تابی

صدا تُربت سے آئی “شکوۂ اہلِ جہاں کم گو

نوارا تلخ تر می زن چو ذوقِ نغمہ کم یابی

حُدی را تیز تر می خواں چو محمل را گراں بینی”

mahal aisa kiya taamir urfi ke takhayyul ne

tasadduq jis pe hairat khana-e-sina-o-farubi

faza-e-ishq par tahrir ki us ne nawa aisi

muyassar jis se hain ankhon ko ab tak ashk-e-unnabi

mire dil ne ye ik din us ki turbat se shikayat ki

nahin hangama-e-alam mein ab saman-e-betabi

mizaj-e-ahl-e-alam mein taghayyur agya aisa

ke rukhsat hogai duniya se kaifiyat wo simabi

fughan-e-nim shab shayar ki bar-e-gosh hoti hai

na ho jab chashm-e-mahfil ashna-e-lutf-e-be khwabi

kisi ka shola-e-fariyad ho zulmat ruba kyunkar

giran hai shab paraston par sahar ki asman tabi

sada turbat se ai "shikwa-e-ahl-e-jahan kam go

nawara talkh tar me zan chau zauq-e-naghma kam yabi

hudi ra tez tar me khwan chau mahmil ra giran bini"