عید پر شعر لکھنے کی فرمائش کے جواب میں

یہ شالامار میں اک برگِ زرد کہتا تھا

گیا وہ موسمِ گُل جس کا رازدار ہوں میں

نہ پائمال کریں مجھ کو زائرانِ چمن

انھی کی شاخِ نشیمن کی یادگار ہوں میں

ذرا سے پتّے نے بیتاب کر دیا دل کو

چمن میں آ کے سراپا غمِ بہار ہوں میں

خزاں میں مجھ کو رُلاتی ہے یادِ فصلِ بہار

خوشی ہو عید کی کیونکر کہ سوگوار ہوں میں

اُجاڑ ہوگئے عہدِ کُہن کے میخانے

گزشتہ بادہ پرستوں کی یادگار ہوں میں

پیامِ عیش و مسرّت ہمیں سُناتا ہے

ہلالِ عید ہماری ہنسی اُڑاتا ہے

ye shalamar mein ik barg-e-zard kahta tha

gaya wo mausam-e-gul jis ka razdar hun main

na paimal karen mujh ko zairan-e-chaman

unhi ki shakh-e-nasheman ki yadgar hun main

zara se patte ne betab kar diya dil ko

chaman mein a ke sarapa gham-e-bahar hun main

khizan mein mujh ko rulati hai yad-e-fasl-e-bahar

khushi ho eid ki kyunkar ke sogwar hun main

ujar hogae ahd-e-kuhan ke maikhane

guzishta bada paraston ki yadgar hun main

payam-e-aish-o-masarrat hamen sunata hai

hilal-e-eid hamari hansi urata hai