عہد طفلی

تھے دیارِ نَو زمین و آسماں میرے لیے

وسعتِ آغوشِ مادَر اک جہاں میرے لیے

تھی ہر اک جُنبش نشانِ لطفِ جاں میرے لیے

حرفِ بے مطلب تھی خود میری زباں میرے لیے

درد، طفلی میں اگر کوئی رُلاتا تھا مجھے

شورشِ زنجیرِ در میں لُطف آتا تھا مجھے

تکتے رہنا ہائے! وہ پہروں تلک سُوئے قمر

وہ پھٹے بادل میں بے آوازِ پا اُس کا سفر

پُوچھنا رہ رہ کے اُس کے کوہ و صحرا کی خبر

اور وہ حیرت دروغِ مصلحت آمیز پر

آنکھ وقفِ دید تھی، لب مائلِ گُفتار تھا

دل نہ تھا میرا، سراپا ذوقِ استفسار تھا

the dayar-e-nau zamin-o-asman mere liye

wusat-e-aghosh-e-madar ik jahan mere liye

thi har ik jumbish nishan-e-lutf-e-jan mere liye

harf-e-be matlab thi khud meri zaban mere liye

dard, tifli mein agar koi rulata tha mujhe

shorish-e-zanjir-e-dar mein lutf ata tha mujhe

takte rahna hae! wo pahron talak su-e-qamar

wo phate badal mein be awaz-e-pa us ka safar

puchhna rah rah ke us ke koh-o-sahra ki khabar

aur wo hairat darogh-e-maslahat amez par

ankh waqf-e-did thi, lab mail-e-guftar tha

dil na tha mera, sarapa zauq-e-istifsar tha