عرش و کرسی پہ کیا خدا ملتا

عرش و کرسی پہ کیا خدا ملتا

آگے بڑھتے تو کچھ پتہ ملتا

زر ملا گھر ملا غلام ملا

میں نہ ملتا تو تم کو کیا ملتا

غیر سے مل کے کیا لیا تم نے

ہم سے ملتے تو کچھ مزہ ملتا

عاشقی سے ملے گا اے زاہد

بندگی سے نہیں خدا ملتا

اک نہ اک ہم لگائے رکھتے ہیں

تم نہ ملتے تو دوسرا ملتا

روز اک دل لگی نئی ہوتی

روز اک دل مجھے نیا ملتا

تم کو یہ مل گیا ہے قسمت سے

داغؔ سا ورنہ دوسرا ملتا

arsh-o-kursi pe kya khuda milta

age barhte to kuchh pata milta

zar mila ghar mila ghulam mila

main na milta to tum ko kya milta

ghair se mil ke kya liya tum ne

ham se milte to kuchh maza milta

ashiqi se milega ai zahid

bandagi se nahin khuda milta

ik na ik ham lagae rakhte hain

tum na milte to dusra milta

roz ik dil lagi nai hoti

roz ik dil mujhe naya milta

tum ko ye mil gaya hai qismat se

dagh sa warna dusra milta