عدو کمبخت کو سودا ہے کچھ ایسا جدائی کا

عدو کمبخت کو سودا ہے کچھ ایسا جدائی کا

لئے سر پر پھرا کرتا ہے ڈھانچہ چارپائی کا

کبھی تم مجھ کو دھر پٹکو کبھی میں تم کو دے ماروں

مزا اس وقت ہے اے جان جاں اس ہاتھا پائی کا

یہ کیا پڑھ پڑھ کے دم کرتے ہو چپکے سے حسینوں پر

اٹھا ہی چاہتا ہے شیخ پردہ پارسائی کا

سر محفل رقیب رو سیہ کا ٹیٹوا پکڑا

مچایا شور بزدل نے دہائی کا تہائی کا

تمہیں جب میں نے دھر ڈپٹا تو کوئی بھی نہیں بولا

بہت ہی دم بھرا کرتے تھے اعدا آشنائی کا

میں دل پر چوٹ کھاؤں ان پری رویوں کے ہاتھوں سے

مجھے نسخہ اگر کوئی بتا دے مومیائی کا

سر محفل ہر اک سے بے جھجھک آنکھیں لڑاتا ہے

اٹھایا ہے بت پر فن نے کیا بیڑا ڈھٹائی کا

adu kambakht ko sauda hai kuchh aisa judai ka

liye sar par phira karta hai dhancha charpai ka

kabhi tum mujh ko dhar patko kabhi main tum ko de marun

maza is waqt hai ai jan-e-jan is hatha pai ka

ye kya parh parh ke dam karte ho chupke se hasinon par

utha hi chahta hai shaikh parda parsai ka

sar-e-mahfil raqib ro siyah ka tetwa pakra

machaya shor-e-buzdil ne duhai ka tahai ka

tumhen jab main ne dhar dapta to koi bhi nahin bola

bahut hi dam bhara karte the aada ashnai ka

main dil par chot khaun un pari rawiyon ke hathon se

mujhe nuskha agar koi bata de momiyai ka

sar-e-mahfil har ik se be jhunjhuk ankhen larata hai

uthaya hai but pur fan ne kiya bera dhitai ka