عجب واعظ کی دیںداری ہے یا رب!
Allama Iqbal (1877–1938)عجب واعظ کی دیںداری ہے یا رب!
عداوت ہے اسے سارے جہاں سے
کوئی اب تک نہ یہ سمجھا کہ انساں
کہاں جاتا ہے، آتا ہے کہاں سے
وہیں سے رات کو ظلمت ملی ہے
چمک تارے نے پائی ہے جہاں سے
ہم اپنی دردمندی کا فسانہ
سُنا کرتے ہیں اپنے رازداں سے
بڑی باریک ہیں واعظ کی چالیں
لَرز جاتا ہے آوازِ اذاں سے
ajab waiz ki dendari hai ya rab!
adawat hai use sare jahan se
koi ab tak na ye samjha ke insan
kahan jata hai, ata hai kahan se
wahin se rat ko zulmat mili hai
chamak tare ne pai hai jahan se
ham apni dardmandi ka fasana
suna karte hain apne razdan se
bari barik hain waiz ki chalen
laraz jata hai awaz-e-azan se