عالم میں حسن تیرا مشہور جانتے ہیں

عالم میں حسن تیرا مشہور جانتے ہیں

ارض و سما کا اس کو ہم نور جانتے ہیں

ہرچند دو جہاں سے اب ہم گزر گئے ہیں

تس پر بھی دل کے گھر کو ہم دور جانتے ہیں

جس میں تری رضا ہو وہ ہی قبول کرنا

اپنا تو ہم یہی کچھ مقدور جانتے ہیں

سو رنگ جلوہ گر ہیں گرچہ بتان عالم

ہم ایک تجھی کو اپنا منظور جانتے ہیں

لبریز مے ہیں گرچہ ساغر کی طرح ہر دم

تس پر بھی آپ کو ہم مخمور جانتے ہیں

کچھ اور آرزو کی ہرگز نہیں سمائی

از بس تجھ ہی کو دل میں معمور جانتے ہیں

ایمانؔ جس کے دل میں ہے یاد اس کی ہر دم

ہم تو اسی کی خاطر مسرور جانتے ہیں

alam mein husn tera mashhur jante hain

arz-o-sama ka us ko ham nur jante hain

harchand do jahan se ab ham guzar gae hain

tis par bhi dil ke ghar ko ham dur jante hain

jis mein tiri raza ho wo hi qubul karna

apna to ham yahi kuchh maqdur jante hain

sau rang jalwa gar hain garche butan-e-alam

ham ek tujhi ko apna manzur jante hain

labrez mai hain garche saghar ki tarah har dam

tis par bhi ap ko ham makhmur jante hain

kuchh aur arzu ki hargiz nahin samai

az bas tujh hi ko dil mein maamur jante hain

iman jis ke dil mein hai yad us ki har dam

ham to usi ki khatir masrur jante hain