عرق کو دیکھ منہ پر تیرے پیارے

عرق کو دیکھ منہ پر تیرے پیارے

فلک کو پیٹھ دے بیٹھے ہیں تارے

کبھی وہ دن بھی ہووے گا کہ جس دن

گلے سے پھر ملیں گے ہم تمہارے

چمن میں کس نے دل خالی کیا ہے

لہو سے جو بھرے ہیں پھول سارے

نہیں ہوتی میسر وصل کی رات

چلے جاتے ہیں یوں ہی دن ہمارے

رقیبوں کو ملیں گل اور ہمیں داغ

حسنؔ کیا بخت الٹے ہیں ہمارے

araq ko dekh munh par tere pyare

falak ko pith de baithe hain tare

kabhi wo din bhi howe ga ke jis din

gale se phir milenge ham tumhare

chaman mein kis ne dil khali kiya hai

lahu se jo bhare hain phul sare

nahin hoti muyassar wasl ki rat

chale jate hain yun hi din hamare

raqibon ko milen gul aur hamen dagh

husn kya bakht ulte hain hamare