عشق اور عشق شعلہ ور کی آگ

عشق اور عشق شعلہ ور کی آگ

آگ اور الفت بشر کی آگ

جس کو کہتے ہیں برق عالم سوز

ہے وہ کافر تری نظر کی آگ

ہائے رے تیری گرمئ رفتار

خاک تک بھی ہے رہ گزر کی آگ

لو شب وصل بھی تمام ہوئی

آسماں کو لگی سحر کی آگ

عشق کیا شے ہے حسن ہے کیا چیز

کچھ ادھر کی ہے کچھ ادھر کی آگ

طور سینا بنا دیا دل کو

اف رے کافر تری نظر کی آگ

حق تعالی بچائے اس سے ظہیرؔ

قہر ہے الفت بشر کی آگ

ishq aur ishq shola war ki ag

ag aur ulfat-e-bashar ki ag

jis ko kahte hain barq alam-e-soz

hai wo kafir tiri nazar ki ag

hae re teri garmi-e-raftar

khak tak bhi hai rah guzar ki ag

lo shab-e-wasl bhi tamam hui

asman ko lagi sahar ki ag

ishq kya shai hai husn hai kya chiz

kuchh idhar ki hai kuchh idhar ki ag

tur-e-sina bana diya dil ko

uf re kafir tiri nazar ki ag

haq taala bachae us se zahir

qahr hai ulfat-e-bashar ki ag