آہوں سے مرے گھر میں ہوا گرم رہے گی

آہوں سے مرے گھر میں ہوا گرم رہے گی

میں جاؤں گا تو بھی مری جا گرم رہے گی

بھرتے ہی رہیں گے نفس سرد ہزاروں

جب تک کہ تری آن و ادا گرم رہے گی

جلنا مرے تب دل کا لگے گا یہ ٹھکانے

صحبت تری جب مجھ سے سدا گرم رہے گی

چوٹی میں دل سوختہ کو گوندھ کے پیارے

مت پھیک قفا پر کہ قفا گرم رہے گی

بلبل نہ مجھے دیجیو تو نالے کی تکلیف

ورنہ اثر اس کے سے صبا گرم رہے گی

جب تک نہیں تو دختر رز ہی کو رکھوں گا

کچھ تو یہ بغل میری بھلا گرم رہے گی

عشاق کو ترغیب محبت ہی کرے گا

جب تک ہے حسنؔ بزم وفا گرم رہے گی

ahon se mire ghar mein hua garm rahegi

main jaunga tu bhi miri ja garm rahegi

bharte hi rahenge nafas-e-sard hazaron

jab tak ke tiri an-o-ada garm rahegi

jalna mire tab dil ka lagega ye thikane

sohbat tiri jab mujh se sada garm rahegi

choti mein dil-e-sokhta ko gundh ke pyare

mat phyak qifa par ke qifa garm rahegi

bulbul na mujhe dijiyo to nale ki taklif

warna asar us ke se saba garm rahegi

jab tak nahin to dukhtar-e-raz hi ko rakhunga

kuchh to ye baghal meri bhala garm rahegi

ushshaq ko targhib-e-mohabbat hi karega

jab tak hai husn bazm-e-wafa garm rahegi