عشاق کا دل داغ کا اندازہ ہوا محض

عشاق کا دل داغ کا اندازہ ہوا محض

پیشانی دلبر پہ عجب غازہ ہوا محض

اے نور نظر منتظر وصل ہوں آ جا

دو پاٹ پلک کے نہیں دروازہ ہوا محض

مخمور ہوں تجھ چشم گلابی کا پلا جام

نرگس کے پیالے ستی خمیازہ ہوا محض

لکھتا ہے سراجؔ اس گل بے خار کی تعریف

دیواں کوں رگ گل ستی شیرازہ ہوا محض

ushshaq ka dil dagh ka andaza hua mahz

peshani dilbar pe ajab ghaza hua mahz

ai nur-e-nazar muntazir-e-wasl hun a ja

do pat palak ke nahin darwaza hua mahz

makhmur hun tujh chashm-e-gulabi ka pila jam

nargis ke pyale sati khamyaza hua mahz

likhta hai siraj us gul-e-be khar ki taarif

diwan kun rag-e-gul sati shiraza hua mahz