عشق بت میں کفر کا مجھ کو ادب کرنا پڑا

عشق بت میں کفر کا مجھ کو ادب کرنا پڑا

جو برہمن نے کہا آخر وہ سب کرنا پڑا

صبر کرنا فرقت محبوب میں سمجھے تھے سہل

کھل گیا اپنی سمجھ کا حال جب کرنا پڑا

تجربے نے حب دنیا سے سکھایا احتراز

پہلے کہتے تھے فقط منہ سے اور اب کرنا پڑا

شیخ کی مجلس میں بھی مفلس کی کچھ پرسش نہیں

دین کی خاطر سے دنیا کو طلب کرنا پڑا

کیا کہوں بے خود ہوا میں کس نگاہ مست سے

عقل کو بھی میری ہستی کا ادب کرنا پڑا

اقتضا فطرت کا رکتا ہے کہیں اے ہم نشیں

شیخ صاحب کو بھی آخر کار شب کرنا پڑا

عالم ہستی کو تھا مد نظر کتمان راز

ایک شے کو دوسری شے کا سبب کرنا پڑا

شعر غیروں کے اسے مطلق نہیں آئے پسند

حضرت اکبرؔ کو بالآخر طلب کرنا پڑا

ishq-e-but mein kufr ka mujh ko adab karna para

jo barahman ne kaha akhir wo sab karna para

sabr karna furqat mahbub mein samjhe the sahl

khul gaya apni samajh ka hal jab karna para

tajribe ne hub-e-duniya se sikhaya ehtiraz

pahle kahte the faqat munh se aur ab karna para

shaikh ki majlis mein bhi muflis ki kuchh pursish nahin

din ki khatir se duniya ko talab karna para

kya kahun be khud hawa mein kis nigah-e-mast se

aql ko bhi meri hasti ka adab karna para

iqtiza fitrat ka rukta hai kahin ai ham nashin

shaikh sahab ko bhi akhir kar shab karna para

alam-e-hasti ko tha mad-e-nazar kitman-e-raz

ek shai ko dusri shai ka sabab karna para

sher ghairon ke use mutlaq nahin ae pasand

hazrat-e-akbar ko bilakhir talab karna para