طرز قدسی میں کبھی شیوۂ انساں میں کبھی

طرز قدسی میں کبھی شیوۂ انساں میں کبھی

ہم بھی اک چیز تھے اس عالم امکاں میں کبھی

رنج میں رنج کا راحت میں ہوں راحت کا شریک

خاک ساحل میں کبھی موج ہوں طوفاں میں کبھی

دل میں بے لطف رہی خار تمنا کی خلش

نوک بن کر نہ رہا یہ کسی مژگاں میں کبھی

وار کرتے ہی بھرا زخم میں قاتل نے نمک

تیغ پر ہاتھ کبھی ہے تو نمکداں میں کبھی

خضر سے میں نے جو کیں جوش جنوں کی باتیں

ایسے نکلے کہ نہ آئے تھے بیاباں میں کبھی

اللہ اللہ رے تری شوخ بیانی اے داغؔ

سست اک شعر نہ دیکھا ترے دیواں میں کبھی

tarz-e-qudsi mein kabhi shewa-e-insan mein kabhi

ham bhi ik chiz the is alam-e-imkan mein kabhi

ranj mein ranj ka rahat mein hun rahat ka sharik

khak sahil mein kabhi mauj hun tufan mein kabhi

dil mein be lutf rahi khar-e-tamanna ki khalish

nok ban kar na raha ye kisi mizhgan mein kabhi

war karte hi bhara zakhm mein qatil ne namak

tegh par hath kabhi hai to namakdan mein kabhi

khizr se main ne jo kin josh-e-junun ki baten

aise nikle ke na ae the bayaban mein kabhi

allah allah re tiri shokh bayani ai dagh

sust ik sher na dekha tire diwan mein kabhi